අවුරුදු ලඟයි

වෙනදා දොඩවන
කොහාගේ හඬ
ඇයිද මංදා
ඇහෙන් නෑ

වෙනදා වාගේ
කන් පුපුරුවන
අකුණු බක්මහ
ඇහෙන් නෑ

වෙනස

කොටුවෙ ස්⁣ටේ
සන් එකට වී
රැජින රජරට
එනතුරා⁣

බලා හිඳිනා
අය හුඟයි අද
කෝච්චිය නෑ
වෙයි පමා

ඒ අතරේ සිටි
යුවලකී සුදු
දෙ⁣තොල් සිඹිමින්
හිනහෙනා

අපේ මිනිසුන්
මැජික් වාගේ
එදෙස බලමින් 
සිටින්නා

මේ අතර එක්
අපේ මිනිසෙක්
නැඟිටගොස්
රෙල් පාරටා

ගැහුවා තදරතු
බුලත්විට කෙල
තුඃ කියා එක
ගැම්මටා

සිපගැනිලි මදකට
නතර කල
යුවල ඒ දෙස
පුදුමෙනා

බලං ඉන්නවා
මැජික් වාගේ
ඔවුනොවුන් දෙස
බලමිනා

- නාචි -

වැලන්ටයින් ප්ලෑන්ස්

හෙමි හෙමින්
නුඹටත් හොරා මං
මසක් ඇඳි
ප්ලෑන්ස් එකේ

පොයින්ට්ස් ටික
ෂේප් එකේ ගානට
දාලා ඔලුවට
නුඹේ හිතේ

කවමදාවත් යන්නේ නෑ
යැයි දිව්රලා 
කිව්වට 
එහේ

යන්න වෙනවා 
කොහොමහරි අද
දැම්මා මුට්ටිය
නුඹේ හිසේ

නිදහස

රටක කඳුලැලි
සෝ සුසුම් රැලි
නිමා දැමුවන්
කාස්ටකේ

වාසි පැත්තට
ඇබය ගැහුවන්
සැපට පුටුවේ
වාඩිවේ

වතුර

නැතිව ඉන්නට
බැරිව අප හැම
සොයනවා
පණ දාගෙන

තිබුණ කාලෙදි
වගක් උන් නෑ
විසිකලා ඔහෙ
තැන තැන

පරිස්සං කර 
ගත්තේ නෑ 
ඒවායේ පෝෂක
කලාප

කපා දැම්මා
හිතු හිතූ ලෙස
මහා වනයන්
බිමටම

වෙසඟන

ඇස් වටේ ගෑ
සායමේ පැහැ
කඳුළු වලින්ම
මැකීලා

දෙතොල් වල ගෑ
පින්තාරු ඇත
ඔහුගේ කමිසේ
ගැවීලා

සුවඳ විලවුන්
පිරුණු ගත ඇත
දහදියෙන් දැන්
පෙඟීලා

සුසුම් රඟදෙයි
දෙතොල් වියලෙයි
තව පැයක් ඇත
සිහිවෙලා

ක්‍රිස්මස්

හැම ගෙදරකින්ම
කටට කෙල උනන
සුවඳින් බඩවල්
පිරෙනවා

ඌරන් කුකුලන්
කෑමොර දෙන හඬ
වැල්ල දිහාවෙන්
ඇහෙනවා

නෑදැයොයි මගේ
යාළු මිතුරු කැල
මදුවිතකින් මුව
තෙමනවා

බාර් එකෙ අයියගේ
ලාච්චු බර වැඩි
හින්දද කිරි කිරි
ගානවා

වැල්ලට කිට්ටුවෙ
කැටපොලෙ ජයටම
ඔට්ටුත් එක එක
වැටෙනවා

මුළු අවුරුද්දම
සරි කරගන්නට
කට්ටිය එතනට
ඇදෙනවා

බූරු පිටියෙ උන්
කිසිවක් දන්නෑ
වාසනාව උර
ගානවා

රෑ වෙනකොට තව
එක එක පැත්තෙන්
හොඳ කුණුහරුපත්
ඇහෙනවා

නත්තල් සීයා
තෑගි ගේනකං
පොඩි උං මග බල
සිටිනවා

ජේසු තුමන් මේ
හැම දෙයක් දිහා
උපේක්සා හිතිං
බලනවා

- නාචි -

අද පෝය

ලංකාතිලකේ
වැලිමළුව ලඟ
කෝටි 4ක 
ජයමල්ල විකුනන
ස්විප් වෙලෙන්දෙක්.......
ඇතුලේ පොඩි
බණ මඩුවක
මැසිම තියාගෙන
රුපියල් 40ට
අයිස් ක්‍රීම් බෙදන
අයිස් ක්‍රීම් මාමෙක්.........
ගඩලාදෙණියෙ
විහාරෙ ඇතුලෙ
ලොකු සල්ලි දුන්නම
ඉතුරු සල්ලිත් දෙන
පාට පාට
නූල් බඳින
කපු මහත්තයෙක්........
දළදා මාලිගාවේ
පොස් පාට
ගැටිස්සියො
ජංගමෙං
මල් කඩ කඩ
සිල් සමාදන්
වෙන ලස්සන.......
අලු විහාරේ
පෙරහැරක්.....
එතන හිටපු
සාරවිට අයියා
අහනවා මගෙන්
දාන්නද පොඩ්ඩක්
මත්වෙන යමක්.....
ෂුහ්...
පෝය දවසත්
මාර දවසක්.........

- නාචි -

කලාපේ ලියුම

මාසෙ අන්තිම
පඩිය අරගෙන
ගෙදර යන්නේ
කවදද

ඇඟිලි ගනිමින්
බලං ඉන්නේ
අම්මෙ නුඹෙ රුව 
දකින්ට

නංගිගේ 
ඉගෙනුමට
අම්මගෙ බේත් ටික
අරගන්නට

ලබන සතියේ
එනවා අම්මේ
රහට හදපං
කන්නට

පේමන්ට් එකේ කතාවක්

ගිනි කාස්ටක අව්ව
හම පුපුරු ගස්සාන
ඇට මිදුළු දක්වාම
රත්කරං යනවිටදි

ඉස්පිරිතාලෙට කිට්ටු
නිල්වලාවට උඩින්
යන පාලම දූලි
වැසිවලින් නෑවෙද්දි

සොඳුරු මතක

මතක නැතිවද
එක්ව ගතකල
සොඳුරු දිනයන්
ඔබ හට..

දෙඅත් පටලා
ආදරෙන් පෙම්
බස් දොඩාපුව
කාලය....

සිහිනයක් මෙනි
තවම මටනම්
සිදුවුයේ කිම
අපහට....

කාගේ හෝ ඇස්
වහක් වැදුනද
නොදනිමි මං
අපහට....

පෙනුම

මාතර තංගල්ල
බස් එකක මුලසුන
අසරණව හිඳ සිටින
මවකී වයසක

ඇගේ අසලම අසුන
සැරපරුෂ කම පිරුණු
මැර පාට කම පෙනෙන
තරුණයෙකි මහත

CRUSH එක

මතකද ඔයාට
ඉස්සර දවසක
පංතියෙ හවසක
හිටියා තනියම

දැක්කම ඔයාව
මොකද්ද වී මට
බැලුනා හැමවිට
ඔයා දිහාවම

හිරකාරයාගේ බිරිඳ

පොඩි එකාගේ බෙහෙත් වඩිය
ගන්න සල්ලි නැති හින්දම
මුදලාලිගේ වත්තෙ තිබ්බ
පොල් ගෙඩි වල බර බැලුවට

පොලිසියට දක්කාගෙන
ගියා හොරා හංවඩු කර
දමා ඔහුව සිරගෙදරට
දැම්මා අපිව ගිනිගොඩකට

එක කතාවක්

ඔඩෙල් එකෙං
ගත්ත
ලිනන්
ෂර්ට් එක

ඇදං
ගෙයිං එලියට
බහිනකොටයි මං
දැක්කේ ඌව

ඌ හිටියෙ
ඉරිච්ච
ඩෙනිමක්
ඇදගෙන

කිලුටු පාට
අත් දිග
ෂර්ට් එකේ
උඩ බොත්තම් ඇරගෙන

කළු මිනිසුන් සිටිති
සුදු මිනිසුන්ද සිටිති
එය ලෝකයා 
නිශ්චය කරන අයුරුය
නමුත් සත්‍යය නම්
කිසිවෙකු කළුත් නැත
කිසිවෙකු සුදුත් නැත

ජතුමට්ඨිකා කියවීම…..

ඇත්තටම මොකද්ද ජතුමට්ඨිකාව කියන්නේ…?? මොකද්ද මේකේ තේරුම…??? ත්‍රිපිටකයේ විනය පිටකයේ භික්ඛුණි විභංගයට අනුව ජතුමට්ඨිකාව කියන්නේ කාන්තාවන් ලිංගික තෘප්තිය සදහා සිය ලිංගේන්ද්‍රය තුල රුවා ගැනීමට භාවිතා කරන මෙවලමක්. අපි දන්නා සරල භාෂාවෙන් කිවහොත් ඩිල්ඩෝ (Dildo) එකට තමයි ජතුමට්ඨිකාව කියන්නේ. ඉතිං මේ පොතට මොකද්ද එකේ තියෙන සම්බන්ධය…

කටවුට්

කොළඹ ඉදං පැය තුනක් හතරක් එකම විදිහට වාඩිවෙලා ඇවිත් බස් එකෙං බැස්සම හරි සනීපයි. අඹගහ හන්දිය හෝල්ට් එකෙං බැහැලා ඇගේ පතේ හිරි අරින ගමං මං එහෙම හිතුවා. ලග ලග එන ජන්දෙට මනාප බුරුතු පිටිං අහුලගන්න වෙන්න ඇති කන්ද පල්ලෙහා තිබ්බ කඩේ ගාව ගහලා තිබ්බෙ මහ විසාල කටවුට් එකක්. දත් තිස් දෙකම පෙන්නං එකේ අත් දෙක වැදගෙන උන්නේ ගමේ දොස්තර මහත්තයගේ පුතා චමිල අයියා. මට වඩා අවුරුදු දෙක තුනක් වයසින් වැඩිමල් චමිල අයියා හම්බෙලා තමයි මාත් ඒ දවස්වල කැම්පස් පොත පුරවන්න කලිං උපදෙස් එහෙම අරගත්තෙ.

මගේ එකී

❤️

රණ්ඩු
අල්ලන
එකමයි
වැඩේ

මාත්
එක්ක
හැම
එකටම

මොලේ
හොද
නැද්ද
මංදා

සිරාවට
වෙලාවකට
හිතෙනවා
ඒම

ත්‍රිමාණ

මං

“මොකක්...... හෙටත් එන්න වෙන්නැද්ද ඔයාට... මොකද්ද නිපුන සති දෙහෙකට කලිං නේද හෙට මීට් වෙන්න දාගත්තෙ.. එන්න බැරි නං එදාම කියන්න එපැයි....”

නිදහසට කාරණා දාහක් එහා පැත්තෙං ඇහෙද්දි මං කට් කරා. එයා ලගකදි ඉදං ඔහොම්මයි...... මීට් වෙන්න දාගත්තොත් මොකක්ම හරි වැඩක්... මීට් වෙන්න ආවත් ඉන්නෙ වෙන සිහියක.... කතාකරන්නෙත් එයාගෙ ඒ බහුබූත. මට නම් එයාගෙ ඔය ෆිල්ම් කෙරුවාව එපා වෙලා දැංනම්. හදන ෆිල්ම් එහෙකුත් නෑ.. හැමදාම මොකක් හරි මගුලක් ඒ උනාට.. ඩිස්කෂන් කිය කිය එක එක විකාර වලට යන එකමයි එයාගෙ වැඩේ.. මාවත් එක්කං ගියා එයා දවස් දෙක තුනක්.. මට නං ඒ මිනිස්සු කියපු මෙලෝ දෙයක් තේරුන් නෑ... කොණ්ඩ වවාගත්ත.. ඩෙනිම් ෂර්ට් ඇදලා ලොකු කණ්නාඩි දාගත්ත එක එක මිනිස්සු ඇවිත් අමුතු කතාන්දර කිව්වා ෆිල්ම් ගැන... නිපුන නම් කටත් ඇරං අහං හිටියෙ... මං නම් යන්නෙ කොයි වෙලේද බලාන උන්නෙ...

⁣මට එකපාරටම කූඹියෝ තීම් මියුසික් එක ඇහුණා...

ස්ටේසන් රවුම

අව්වයි
සෑහෙන්න
වැහි වලාකුලු
තිබ්බට

ජෑම්
ගහට
පිංසිද්ධ
වෙන්නට

හෙවනක්
තියනවා
යංතං
මෙතන්ට