නිදහස

රටක කඳුලැලි
සෝ සුසුම් රැලි
නිමා දැමුවන්
කාස්ටකේ

වාසි පැත්තට
ඇබය ගැහුවන්
සැපට පුටුවේ
වාඩිවේ

⁣දිවි දෙවෙනි කොට
රට රැකපු උං
අදත් ඇති මෙහේ
හාමතේ

මාලිගා වලටම
වෙලා
යුද්ධය කල එවුං
තේජසේ

සෙබළුන්ගෙ
බුහුමන් ලබන්නට
දේස පාළුවෝ
ප්‍රීතියේ

⁣උදේ අහරත් බඩට
නොවැටුන
විරුවෝ ඇත මේ
පෙරටුවේ

උං ඔවුන්ගේ
ගෞරවය පුද
දෙන විටදි
නිදහස් දිනේ

නිදි කිරනවා
සැපට ඉඳගෙන
සමහරුන් අර
ටෙන්ට් එකේ

නිදහසේ හරි
අරුත මෙයදැයි
සිතුනි මට
නිදහස් දිනේ

වෙන දෙයක් නොව
වෙනස් නොවෙනා
ගතිය මෙය අපෙ
සිංහලේ

වීරයන් සිය දිවි
පුදද්දී
පඹයෝ රජවේ
තේජසේ

- නාචි - NaaChi -

special thanks - Pruthawi Dulanga