ඔඩෙල් එකෙං
ගත්ත
ලිනන්
ෂර්ට් එක
ඇදං
ගෙයිං එලියට
බහිනකොටයි මං
දැක්කේ ඌව
ඌ හිටියෙ
ඉරිච්ච
ඩෙනිමක්
ඇදගෙන
කිලුටු පාට
අත් දිග
ෂර්ට් එකේ
උඩ බොත්තම් ඇරගෙන
ඌ
දැක්ක ගමං
මගේ හිත ගියා
අතීතෙට
කැම්පස්
යන කාලේ
අපි එක රෑම් එකේ
හිටපු දවස් වලට
ඌයි මායි
එක ෂර්ට් එක
මාරු කර කර
ඇන්ද ඒ කාලෙට
එකට බෝඩ් උස්සං
ධනපති පංතියට
අභියෝග කරපු
රැඩිකල් කාලෙට
කැම්පස් එකෙං
අවුට් වෙනකංම
උගුරේ ලේ රහ
වින්ද අතීතෙට
අද වෙනස්
අපි දෙන්නා
එදාට වඩා
සෑහෙන්න
ඌ එදා විදිහමයි
මං ගිහිල්ලා
වෙනම
පාරක
කතාකරනවද
නැද්ද
ඌ
එක්ක
කාර් එකේ
දොර ලාවට
ඇරගෙන
හිතුවා මම
අන්තිමට
තීරණයක් අරං
මං
ඒ ගැන
ඌද වැරදි
මංද වැරදි හිතුවා
ඩ්‍රයිව් කරං යනගමං
ඌව පහු කරගෙන
- නාචි -
No comments:
Post a Comment